Un cortado é unha maneira de beber café en España, consistente ao bebelo quente cun pouco de leite, menos que o café con leite pero máis que o  Macchiato italiano ou que o Noisette francés. 

O café pode ser descafeinado, se é así como o queres deberías de pedir un cortado descafeinado. 

Non se debe confundir co café con leite.

O cortado adoita ser consumido entre horas, ou ben ao remate dunha comida ou dunha cea, como alternativa ao café expreso só.

En moitos blogues veredes definido este café cortado como o 50 por cento de café e 50 por cento de leite vaporizada, normalmente servido en cunca de café mediana.

As cuncas para café con leite que teñen unha capacidade de 125  ml, e as máis grandes que varían entre as 150 e os 200  ml pensadas para o café dobre.

O café cortado tómase sempre en cuncas de menor tamaño que as utilizadas para o café con leite, aproximadamente a metade de tamaño que a utilizadas para un café con leite.

En moitas zonas de España é igualmente tradicional servir o café cortado, en vasos de cristal do tamaño dos vasos utilizados para o "carajillo". É o caso da zona de Cataluña ou o levante. 

En Galicia por la contra é máis habitual que cho sirvan en cunca de expreso.

O café cortado é un café expreso cun pouco de leite para suavizar o seu sabor e rebaixar o grao de amargura do café.

A cantidade e proporción de leite vai variar dependendo de onde o pidas, como igualmente varía a forma de presentalo.

Estaría entre o café manchado, que é un café expreso con moi pouco leite, onde simplemente manchamos con leite o café, e o café con leite que sempre terá máis do cincuenta por cento de café en relación co leite, xeralmente polo menos 2/3 do leite. 

O café con leite adoita ser servido nunha cunca de café máis grande que o café só ou cortado.

O café cortado prepárase da seguinte forma:

Partese de café en gran que se moe no momento moi fino. A moenda é é a mesma que para un café só expreso.

De feito a base do café cortado é un só expreso.

Por tanto sacarase un tiro de café só.

A ese café engádese leite normalmente vaporizada, nunha proporción que pode variar desde unha nube ata o cincuenta por cento de café e cincuenta por cento de leite vaporizada.

A súa preparación e proporcións pode variar xa non só entre países, entre rexións do mesmo país pódese preparar dunha maneira lixeiramente diferente.

Mesmo existe unha forma de preparación do cortado chamado café internacional.

Sérvese o cortado nunha cunca de café "mocca" cunha xerra de leite frío á beira para que o cliente mesmo sírvase a dose de leite que desexe.

O certo é que se pides un café cortado nun local de hostalería en España daranche un café expreso, mesturado cunha cantidade de leite  vaporizada, quente, ou mesmo fría se así o solicitas, que che permitirá rebaixar o grao de amargura do café.

Canto leite ten un café cortado?

Non é fácil a pregunta, depende de usos e costumes que piden variar de rexión a rexión, e incluso de cidade a cidade.

Nunca máis do cincuenta por cento de leite, pero en moitos lugares achegarase ao máis  a proporción 75% de café e o 25% de leite.

Menos do 25% en algúns sitios sería entendido este café como un café manchado, aínda que para outros un manchado tería que ter unha proporción aínda menor de leite mesturado no café.

Nos locais de hostalería adoita servirse con azucre ou adozante sen calorías por se o cliente desexa  adozar un pouco o sabor do cortado, o que por outra banda é moi habitual entre os que toman este tipo de café.

Se estas en Cataluña ou Valencia podes pedir un "Tallat" poñeranche un cortado.

Que ocorre cando pides un café cortado fóra de España. É posible tomar un cortado noutro país?

O certo é que si, aínda que non sempre con este nome.

A forma de pedir o teu cortado vai variar de país en país, e se o cortado varía de zona a zona, igualmente ten as súas peculiaridades dependendo dos paises e rexións onde o pidas.

Os sitios onde teñen un nome máis parecido ao noso cortado é en Cuba e Porto Rico, aquí ao cortado chámaselle "cortadito".

En Venezuela teñen o seu café Marrón que é moi parecido a un cortado español.

En Colombia é posible tomar un cortado, aínda que poida que che miren raro por que non entendan por que queres poñer leite ao seu marabilloso café. 

No caso de que queiras pedir como un café cortado en Colombia podes pedir un café "pintado" ou "perico". 

En Arxentina podes pedir un cortado entenderanche perfectamente. Incluso as proporcións de 75% de café 25% de leite serían un estándar igualmente estendido como den moitas zonas de Galicia.

Se volvemos a Europa e pensamos en cruzar a fronteira aos países veciños tamén tomaremos un café cortado con certa facilidade.

Aínda que iso si é probable que se a zona non é moi frecuentada por españois teñas que pedir o café polo seu nome nos países veciños.

En Portugal debes de pedilo de dúas formas diferentes, no Norte, zona do Porto, pedirás un "pingo", e daranvos un cortado moi parecido ao que poderías tomar en Galicia.

Máis ao Sur, zona de influencia de Lisboa, a forma de pedir un cortado é pedir un "Garoto" ou se o queredes máis á galega un "garoto escuriño" con máis proporción do café do que che darían de facelo á portuguesa.

E se saímos de España cara ao Norte terías a opción de tomar un cortado a condición de que pidas un café "noisette". 

Os franceses déronlle este nome debido á cor que obtén o expreso ao engadirlle unhas pingas de leite, " noisette" tradúcese como “abelá”. 

De todos os xeitos este café adoita ter menos proporción de leite que o típico cortado en España, máis parecido ao café "macchiato" dos italianos.

Ainda que se o que queres é un café manchado, un cortado con moi pouco leite, moito café cunhas pingas de leite, pedirás un "lait tacheté" que sería exactamente un café manchado aquí.

Se imos a outros países europeos a situación é moi diferente de país a país, en Inglaterra ou Alemaña deberías pedir o café case describindo o que queres. 

Para pedir un café cortado en  Inglaterra, un inglés pedirá un “espresso with a dash of milk”. 

En Alemaña para pedir un café cortado seguiremos a fórmula inglesa e pediremos un café expreso cun pouca de leite. É dicir, un "Espresso mit wenig Milch".

En Austria que é un país de fala alemá si ten un termino especifico para os seus cafés cortados, "Brauner", que pode resultar raro para nós pero que traduciríamos como marrón.

As cafeterías serven un café só e unha dose de leite ou crema líquida aparte para que a engadamos ao noso gusto. 

O "kleiner  Brauner" é un cortado pequeno, mentres que o " Grober Brauner" é un café dobre cun pouco de leite.

Serían similares ao café cortado internacional do que xa falamos.

En Italia o máis parecido ao noso café cortado é o seu "caffè macchiato".

En realidade, este café equivalería ao que en España chamamos un café manchado máis que a un cortado: trátase dun café expreso que leva unha cantidade de leite menor á do noso cortado. 

O leite do macchiato pode ir lixeiramente  vaporizada, xerando así unha fina capa de escuma. 

Este café sérvese nunha cunca de tamaño mediano de cristal ou porcelana.

Por este nome podes pedir un café parecido a un café cortado en moito países do mundo, sempre che quedará pedir que che boten un pouco máis de leite da normal neste tipo de café.

Como ves se amas o café cortado tes múltiples opcións para tomalo ao longo e ancho do mundo.

Espero que che teña gustado o post, e non deixes de comentar, ampliar, e informar de como podes pedir un café cortado noutros países do mundo.

Tes o formulario de comentarios a túa disposición.

Así que boa semana e que atopes sempre o mellor café na túa cunca.