Café macchiato. Que é, e en que se diferencia dun latte macchiato?

Macchiato ou latte macchiato? Aprende a diferencialos 

Un café macchiato viría ser un café expreso que se cortou con leite para reducir o amargor, neste sentido sería similar ao café cortado español. 

Que é entón un caffè macchiato?

• Servizo: en cunca pequena (das que utilizamos para servir un espresso). 

• Sabor: intenso, cunha leve suavidade. 

• Escuma: fina, lixeira. Ideal para quen busca intensidade, pero non queren chegar ao grao de intensidade dun espresso “só”. 

Que é un latte macchiato?

• Servizo: en vaso de cristal alto.

• Sabor: suave, lácteo, lixeiramente amargo.

• Escuma: abundante e cremosa.

Coas súas peculiaridades e diferenzas podemos atopar cafés similares o latte macchiato noutras zonas do mundo

Por que se confunden tanto o café macchiato e o latte macchiato?

1. Porque os nomes dos dous cafés en italiano son moi similares… pero significan o contrario. O latte macchiato é un café con moito leite e pouco café, e o café machiatto é un café, que se corta cunha pequena cantidade de leite, xusto a inversa

2. De todos os xeitos cremos que o principal problema foi as grandes cadeas tipo Starbucks popularizaron o latte macchiato "moderno" ata converter o termino en “macchiato” . Nestas cadeas internacionais, o latte macchiato gañou popularidade e por economía de linguaxe deixou de utilizarse a palabra latte para referirse a estes latte macchiato, sen ter en conta que o macchiato en realidade é un termo que xa nomea outro tipo de café. Estamos a a falar de, por exemplo, o Caramel macchiato (Starbucks-style) – En realidade, un latte macchiato con xarope de vainilla e caramelo por encima. Aviso para italianos, podevos provocar sofocos a máis dun saber que a esta versión do voso café con sirope chámalle latte macchiatto.

Como explica James Hoffmann (autor de  The World Atlas of Coffee), “o latte macchiato sufriu unha transformación radical fora de Italia, ata o punto de que moitas veces non se parece en nada ao orixinal” 

Para sementar máis confusión en cafeterías non especializadas, non sempre se respecta a proporción nin a orde. Non axuda que moitos baristas interpreten as receitas á súa maneira.

E as versións modernas do latte macchiato e o macchiato?

Xa que  comenzamos a pisar este xardín, metamonos ainda que sexa brevemente nel. A cultura do café fixo evolucionar estes clásicos. Hoxe podes atopar:

• Iced latte macchiato: perfecto para verán, con leite frío e café por encima.

• Macchiato con leite vexetal: avea, améndoa ou soia, que matizan o sabor.

• • E o xa mencionado Caramel macchiato ( como xa  temos falado en Starbucks é un latte macchiato con xarope de vainilla e caramelo).

Cal elixir segundo o momento do día?

• Almorzo longo ou merenda suave → Latte macchiato

• Media mañá con enerxía → Cortado ou macchiatto

• Despois de comer, sen perder intensidade → Macchiato ou cortado

Trucos para pedir ben o teu café ( evitantdo a sorpresas)

1. Se estás en Italia ou nunha cafetería especializada, pedir un "caffè macchiato" asegúrache un espresso con leite (sempre unha nube pequena de leite que suaviza o café).

2. Se queres máis leite que nun café con leite, un "latte macchiato" é a opción máis efectiva tanto en Italia como nunha cafetería especializada.

3. En España, se non estás seguro de como se serve o cortado nesa zona  é mellor que preguntes ou aclares o que queres, evitases sorpresas: un cortado en Madrid non ten por que ser igual que uno  que che sirvan en Málaga ou Lugo.

4. Queres evitar confusións fóra de España? Mellor pide polo nome italiano, ou especifica cantidades: "un espresso cun pouco de leite” se prefires un macchiato ou cortado,  ou "un vaso de leite cun pouco de café" se o que che gusta é o latte macchiato, dígocho por experiencia, isto último adoita funcionar case en calquera parte, se es capaz de facerche entender minimamente no idioma do país onde estás.

Conclusión

No mundo do café, unha soa palabra pode cambiar toda a experiencia en cunca. Saber que é un macchiato, un latte macchiato, ou un cortado, e un manchado permíteche gozar o café que realmente queres. Entender a diferenza entre macchiato, latte macchiatonon é só unha cuestión de pose cafeteira. É saber o que estás a pedir, e gozalo como merece.

E lembra:

A orde dos ingredientes Si altera o resultado. 

Non hai un café mellor que outro: elixe o que se adapte ao teu momento e o teu gusto.  En Cafés Sabora, cremos que coñecer ben o café é a clave para gozalo cos cinco sentidos. E en saber o que se toma, para gozalo como se merece.

Por iso no noso blog, axudámosche a distinguir, elixir e gozar. Porque cando sabes o que pides, gozas o dobre.

E se o que queres é un bo café para preparar como máis che guste, xa sabes que os nosos veñen sempre con calidade… con información que evita confusións.

Tamén podes ler:

Que é e como preparar un café capuchino

Que é un café latte e en que se diferencia doutros cafés

O shakerato, café frío Italiano

Café cortado: que é e como se prepara

Fontes recomendada

Sabemos quecanto máis café probas, máis ganas tes de aprender sobre el. Por iso, se che picou a curiosidade e queres ir un paso máis aló, aquí deixámosche algunhas fontes fiables seleccionadas que consultamos para este post:

1. Wikipedia – Latte macchiato: Céntrase en explicar o concepto de “leite manchado”, a súa preparación e como se distingue do café con leite.
2. Wikipedia – Caffè macchiato: Definición do expreso “manchado” e a súa equivalencia co cortado español.
3. Wikipedia - Cortado→ Descrición do café cortado en España, proporcións habituais e diferenzas territoriais.
4. Corner Coffee Store – What is a Latte Macchiato?→ Detalla as diferenzas entre un café latte e un latte macchiato.
5. Café Drinks Glossary – Methodical Coffee → Fai fincapé nas comparativas entre cappuccino, latte, macchiato e cortado desde enfoque internacional.
6. Cadena Ser - Diferencias entre café 'latte', con leche, capuchino, cortado y 'flat white': guía rápida para saber qué hay debajo del dibujo Cadena Ser→ Resalta como se entenden e nomean en diferentes zonas e países o latte macchiato, cortado e macchiato. E fala da dificultade crecente para entender unha carta de cafés do consumidor medio.

Se despois de lelos non che entran ganas de pedir un macchiato con leite de avea, ou un cortado ben feito… é que xa tomaches demasiados cafés por  hoxe.