De que o café contén cafeína somos conscientes, pero canta cafeína ten un café?
Que conteña un café máis ou menos cafeína depende de varios factores:
-
O tipo e orixe do café.
-
O tamaño da cunca.
-
A mestura ou blends de cafés se é o caso.
-
O método de preparación.
O café arábica ten a metade de cafeína que o robusta aproximadamente, por tanto non é o mesmo tomar un arábica que un robusta, ou un blend cunha proporción de arábica moi superior ao robusta, que un blend cunha mestura onde o robusta predomina sobre o arábica.
-
Un café expreso, de aproximadamente de trinta a corenta mililitros contén entre 40 e 75 mg de cafeína, dependendo de factores como a variedade de café utilizado e da cantidade de café moído que se cargou no momento de facer o café entre outros.
-
Unha cunca grande de café tipo americano de sistema de goteo, de 240 ml contén aproximadamente entre 100 e 200 mg de cafeína, dependendo da cantidade de auga que teña o café ou o concentrada que estea a infusión.
-
Un café de sobre se o empregas completo achégache entre 25 e 175 mg de cafeína. Como ves con moitas diferenzas entre marcas.
Que cantidade de cafeína tenun café descafeinado?
Sexa cal for o método que se use para descafeinar o café, o café verde descafeinado deberá ter menos de 0,1 % de cafeína (pesado en seco) para cumprir as disposicións regulamentarias da CE. Iso equivale máis ou menos de 3mg de cafeína nunha cunca de café descafeinado.
Que cantidade de cafeína ten entón o meu café con leite?
Os cafés con leite, teñen a mesma cafeína que os cafés sós.
Pero poderiamos facernos outra pregunta, coñecido o contido de cafeína de cada café, cal é o contido de cafeína doutras bebidas?
O té contén máis cafeína que o café a igualdade de gramos utilizados para a infusión, pero en xeral úsase menos peso para preparar unha cunca de té.
Si amigos un bo chocolate ten cafeína.
Como conclusión unha cunca de café, xa sexa expreso, cortado, con leite ou da variedade que máis vos guste tomada nunha cafetería, vén achegar aproximadamente 50 mg de cafeína.
Clasificouse o consumo habitual de cafeína do modo seguinte:
- Consumidores dunha cantidade pequena de cafeína: menos de 200mg ao día.
- Consumidores dunha cantidade moderada de cafeína: 200 - 400 mg ao día.
- Consumidores dunha cantidade elevada de cafeína: máis de 400 mg ao día.
En todo caso, para evitar problemas co soño ou os nervios é importante fai o posible por non pertencer ao último grupo de consumidores de café.
Unha último un consideración sobre a presenza da cafeína no café.
Se hai unha bebida na que se fai especialmente difícil concretar de forma precisa a cantidade de cafeína é sen dúbida o café.
A variedade dos grans de café.
Xa dixemos que os grans de robusta poden ter o dobre de cafeína que un gran de arábica, pero as cantidades de cafeína varían igualmente entre as variedades de grans de arábica ou de robusta.
As infinitas formas que hai de preparalo.
-
En cafeteira italiana ou moka, cafeteira de filtro ou goteo; cafeteira de émbolo café turco, de pota, café expreso, cafeteira sen carga, chemex, café instantáneo, etc.
-
Ao que debemos de unir que unha extracción rápida vai dar lugar a que o nivel de cafeína sexa menor que una máis pausada, que dará un café máis concentrado aínda cando utilices os mesmos grans de café moídos.
-
Elementos como o grao da moenda do café facilitará ou dificultará o paso do café, facendo que se obteñan cafés máis ou menos concentrados, o que inflúe na maior ou menor presenza de cafeína.